السبت، سبتمبر ١٠، ٢٠٠٥

حنجوريات

-.....كتبَ.....
-......كرامة
-.....عزة
-..... وحدة الصف
-.....الواحد للكل والكل للواحد
...-....العمل العربي المشترك
-........بلااااااادي بلادي بلاااااااااااادي لكي حبي وفؤااااادي
-....... احبها وتحبني ويحب ناقتها بعيري
.-......حق العودة
-......متونس بيكي وكأنك من دمي...على راحتي معاكي وكأنك امي


كتبها كلها على لفافات علبة السجائر ثم....دخنها وااااااحدة....اثر وااااااحدة...
سحب الدخان تراقصت في عتمة الزنزانة الانفرادية...عشرة بلدي....
بقيت سيجارة واحدة.....واحدة فقط تدعوه ان يكتب عليها شيئا ما...
اوشك ان يكتب عليها اسم حبيبة عمره......اهي الاخرى خانته ؟ حنجوري هو الاخر ذلك المدعو حبا..
قرر ان يكتب عليها اسم قائد الحرب والسلام وصاحب الضربة الجوية الاولى...
لكن صحوة الكأس الجديد نبهته انه آن الاوان ان يكتب اخيرا اسما جديدا من اسماء المرشحين الجدد لانتخابات الرئاسة ....اسم يمنح املا بالتغييير....
وعندما تذكر ان التغيير هو تحقيق لانسانية الانسان....وهذه قمة الحنجورية والحنجوريات...
وجد نفسه يدخنها وقد خط عليها
احلف بسماها وبترابها
بولادي وايامي الجاية
ماتغيب الشمس العربية
طول مانا عايش فوق الدنيا







وفقد الوعي............او ربما افاق.........

7 Comments:

Blogger وليد said...

وربما نص نص
يعنى مدروخ

ولا فايق ولا مغمى عليه

نورتى البلوجات يا دكتوره

١٠:٠٤ م  
Blogger ibn_abdel_aziz said...

اهلا بيكي ان شاء الله في عالم المدونات
ستكون اضافة جديدة ومتميزة لهذا العالم
حتي لو " نص نص " :)

جزاكم الله خيرا

٣:٠٦ ص  
Anonymous غير معرف said...

نورتي التدوين يا دكتورة..إيدك معانا عشان نلم النصين من تاني:)

٦:٥٣ ص  
Blogger AUCWORKERS said...

ماما الشيماء
حلوه الحنجوريات المره دي في الجون
اهلا ومرحبا بيكي بجد وياريت متنسيش البلوجر وتنشغلي في المنتديات
صدقيني هنا انضف من اي حته تانيه :)
(صحيح الهوتميل عندي واقع فمش عارف ادخل عليه فعذرا يعني)

٥:١٣ م  
Blogger Zeryab said...

اتفق مع هذاالشخص الذى فقد الوعى أو ربما أفاق فالحنجوريات لم تعد تصلح ..لأنها تغيب الفعل وتنسى الهدف الأصلى منها ...لعلنا كسبنا مدونة جديدة وجميلة هذا ما سنعرفه فى الأيام القادمة ...على العموم يامراحب

١:١٧ م  
Blogger الشيماء said...

وليد
البلوجات منورة من قبلي اكيد بوجودكم
اخي ابن عبدة
ياعم هو حد طايل يضيف شرطة الايام دي مابالك بالنص؟ سعيدة جدا اني عثرت ف
.حضرتك تاني

عياش
انت هنا من امتى؟ باين من زمان...
دايما بوصل متأخرة...بس اهو على رايهم ان تصل متأخر خير من اييييه؟؟
بالضبط كده

عم مالك
مش كنت تعلمني حكاية الردود دي اكتشفتها بالصدفة فعلا ربنا يكرمك ويجزيك الخير كله يارب

زرياب
ياترى بس هيه كل الحنجوريات لازم تتنسى فعلا؟
مش عارفه ليه اني حاسه انها نصها بس اللي لازم تتنسى بالعربي اظنها محتاجة اعادة مراجعة وتقييم فحسب..
مش بقولكم نص نص؟

٧:١٩ م  
Blogger ايمان said...

زمن النص نص هو زمن الصفر الأكبر بعد ما أزاح الوطن الأكبر من الأحلام و الذاكرة
نورتي يا زميلة الأحلام الجميلة و المهنة القاسية

١٢:٣٨ م  

إرسال تعليق

<< Home